धादिङ । प्रभु बैंकले केवलपुर हरिहर भोजकुमारी माध्यमिक विद्यालयलाई शैक्षिक सामाग्री वितरण गरेको छ । प्रभु धार्के शाखाले थाक्रे १० मा रहेको केवलपुर हरिहर भोजकुमारी माध्यमिक विद्यालयका विद्यार्थीहरुलाई सामाग्री वितरण गरेको हो ।
स्कुल झोला तथा अन्य स्टेशनरी सामानहरु लगायत शैक्षिक सामाग्रीहरु उक्त वडाका अध्यक्ष गोकुल लामिछाने, विद्यालयका प्रधानाध्यपक सहदेब गजुरेलका साथमा बैंकको धार्के शाखाका प्रमुख प्रविन कोइरालाले विद्यार्थीलाई हस्तान्तरण गरेका छन् ।
आफ्नो संस्थागत सामाजिक उत्तरदायित्व अन्तरर्गत शिक्षाका लागि आवश्यक पर्ने शैक्षिक सामाग्री वितरण गरिएको धार्के शाखाका प्रमुख प्रविन कोइरालाले बताए । बैंकले आगामाी दिनमा पनि यस्ता सेवामूलक र अझ प्रभावकारी कार्यक्रमहरु गर्दै जाने प्रतिवद्धता जनाएको छ ।
