आईएमई लाइफ इन्स्योरेन्स कम्पनी लिमिटेडले असार २१ गतेबाट असार २५ गतेसम्म सर्वसाधारणमा निष्काशन गरेको साधारण शेयरको बाँडफाँड भएको छ। मागभन्दा बढी आवेदन परेको हुनाले कम्पनीको प्राथमिक निष्काशनको बाँडफाँड गोलाप्रथाबाट गरिएको छ। कुल ११ लाख ९५ हजार ९ सय ३२ जना आवेदन मध्ये योग्य आवेदक ११ लाख ८८ हजार ९ सय ९६ जनाले आवेदन दिएकोमा २ लाख २८ हजार ९ सय ९६ जना आवेदकको हात खाली भएको छ।
बाँकी आवेदकमा ९ लाख ६० हजार जना आवेदकले १० कित्ताको दरले शेयर पाएका छन्। इन्स्योरेन्सको आइपिओमा १ करोड ४३ लाख ७२ हजार ५ सय ७० कित्ताको लागि कुल रु १.४३ अर्ब बराबरको योग्य आवेदन परेको थियो।
आवेदकले आइपिओ रिजल्ट कम्पनी तथा बिक्री प्रबन्धकको वेभसाइट र सिडिएससीको आइपिओ रिजल्ट हेर्ने वेभसाइटबाट हेर्न सक्नुहुन्छ।
