काठमाडौं । शिवम् सिमेन्ट्स लिमिटेडको करिब ८५ प्रतिशत सेयर लगानी रहेको शिवम् होल्डिङ्स लिमिटेडले सर्वसाधारणका लागि आईपीओ निष्कासन गर्ने भएको छ ।
जारी पुँजी पाँच अर्ब ८० करोडको २० प्रतिशत बराबर हुने १०० का दरको एक करोड १६ लाख कित्ता साधारण सेयर निष्कासन गर्ने भएको हो ।
शिवम् होल्डिङ्सका अध्यक्ष शिवरतन शारदाको उपस्थितिमा सिद्धार्थ क्यापिटल लिमिटेडसँग सेयर निष्कासन तथा बिक्री प्रबन्धक नियुक्ति गर्नेसम्बन्धी सम्झौता गरेको छ ।
शिवम् होल्डिङ्स २०७९ सालमा पब्लिक लिमिटेडमा नियमानुसार परिणत भएको हो । कम्पनीले सिमेन्ट तथा क्लिङकर उत्पादन गर्दै आएको छ ।
यसको अधिकृत तथा जारी पुँजी पाँच अर्ब ८० करोडमध्ये संस्थापकहरूतर्फ ८० प्रतिशत अर्थात चार अर्ब ६४ करोड र सर्वसाधारणतर्फ एक अर्ब १६ करोड सेयर पुँजी छुट्याई प्रिमियम मूल्यमा निष्कासन गर्ने प्रक्रिया प्रारम्भ गरेको हो ।
