धादिङको धुनिवेशी नगरपालिका स्थित छत्रेदेउराली स्वास्थ्य चौकीमा भएको परिवार नियोजन स्थायी बन्ध्याकरण शिविर मार्फत १२ जनाले सेवा लिएका छन् । स्वास्थ्य कार्यालय धादिङको आयोजना तथा धुनिवेशी नगरपालिकाको सहकार्यमा भएको उक्त शिविरमा १ जना महिलाको मिनिल्याप र ११ जना पुरुषको भ्यासेक्टोमी गरिएको स्वास्थ्य चौकी प्रमुख सरोज खड्काले नागरिक पाटीलाई बताउनुभयो ।
स्वास्थ्य कार्यालय धादिङले यहि मँसिर ८ गते देखी विभिन्न स्थानिय तहको सहकार्यमा परिवार नियोजन स्थायी बन्ध्याकरण शिविर गर्दै आएको छ । यसअघि गगाँजमुना, त्रिपुरासुन्दरी, नेत्रावती डबजोङ, बेनिघाट रोराङ, गल्छि र थाक्रे गाउँपालिकामा शिविर सम्पन्न भईसकेको छ । यस चरणको शिविर अन्तर्गत धुनिवेशीमा अन्तिम शिविरको आयोजना गरिएको स्वास्थ्य कार्यालय धादिङले जनाएको छ ।
