साताको चौथो कारोबार दिन लगातार तीन दिन बढेको शेयर बजार मापक नेप्से परिसूचक आज २१.६७ अङ्कले घटेको छ । बुधबार नेप्से १.०२ प्रतिशतले घटेर २०९७.९३ को विन्दुमा झरेको छ । आज ३१३ धितोपत्र कम्पनीको एक करोड ४७ लाख ७७ हजार १२० कित्ता शेयर पाँच अर्ब २९ करोड ५६ लाख पाँच हजार ५७ रुपैयाँमा किनबेच भएको छ ।
१३ वटा उपसमूहमध्ये उत्पादन तथा प्रशोधन उपसमूहको समूहगत सूचकको मात्र आज कारोबार बढेको छ । १२ वटा उपसमूहको समूहगत सूचक भने घट्यो ।
बुधबार साम्लिङ पावर कम्पनीको शेयर मूल्य सर्वाधिक ९.८७ प्रतिशतले बढेको छ । मेन्छियाम हाइड्रोपावर कम्पनीको शेयर मूल्य सर्वाधिक ५.८७ प्रतिशतले घटेको छ ।
