आइतबार सेयर बजार दोहोरो अंकले बढेको छ । आगामी आर्थिक वर्षको बजेट भाषणयता निरन्तर घटेको बजार आज भने १३।५१ अंकले बढेको हो । यो सँगै नेप्से परिसूचक २०८३ बिन्दुमा उक्लिएको छ ।
कारोबार अवधिभर ३२५ कम्पनीको ९६ करोड ९७ लाख २०६ कित्ता सेयर खरिदबिक्री हुँदा ४ अर्ब ३१ करोड १० लाख १५ हजार रुपैयाँ बराबरको कारोबार भएको छ । आइतबार १७४ कम्पनीको सेयर मूल्य बढेको छ भने ६१ कम्पनीको सेयर मूल्य घटेको छ । १२ कम्पनीको सेयर मूल्य भनेर स्थिर छ ।
यस दिन १० उपसूचकमा हरियाली छाएको छ भने ३ उपसूचक राताम्य बनेको छ । यस दिन मल्टीपपर्स फाइनान्स, र मकर सुरिमाया हाइड्रोपावरको सेयर मूल्य १० प्रतिशतले बढेको छ । त्यस्तै, नारायणी डेभलपमेन्ट बैंक, युनिलिभर नेपाल, पोखरा फाइनान्स लगायत कम्पनीको सेयरमूल्य सर्वाधिक घटेको छ ।
