बागमती प्रदेशसभा बैठक आज बस्ने भएको छ । प्रदेशसभा बैठक आज बिहान ११ बजेका लागि आह्वान गरिएको छ ।
उक्त बैठकमा प्रदेश सरकारको आगामी आर्थिक वर्षको बजेट माथिको छलफल प्रारम्भ हुनेछ । बैठकमा प्रदेश सरकारका आर्थिक मामिला तथा योजना मन्त्री जगन्नाथ थपलियाले बजेट माथिको छलफल गरियोस् भन्ने प्रस्ताव पेस गर्नेछन् भने सो प्रस्ताव माथि प्रदेशसभा सदस्यहरूले आ–आफ्नो धारणा राख्नेछन् ।
बैठकमा सांसदहरूले सरकारको आय व्यय र राजस्व सङ्कलनको अनुमान (बजेट) माथि छलफल गर्ने कार्यसूची रहेको प्रदेशसभाका सचिव कृष्णहरि खड्काले जानकारी दिए ।
