उत्तरी नाइजेरियाको बोर्नो राज्यमा भएको बम विस्फोटमा कम्तीमा १८ जनाको मृत्यु भएको छ । अरू ३० जनाभन्दा धेरै घाइते भएका छन् ।
नाइजेरियाको आपतकालीन व्यवस्थापन एजेन्सीका अनुसार आत्मघाती आक्रमणकारीले विवाह समारोह, अन्तेष्टिस्थल र अस्पतालमा आक्रमण गरेका हुन् । एक विवाह समारोहमा भएको बम विष्फोटमा छ जनाको मृत्यु भएको छ ।
नाइजेरियाको भ्यानगार्ड र दिस डे पत्रिकाले विस्फोटमा पछिल्ला विस्फोटमा कम्तीमा ३० जनाको मृत्यु भएको बताएका छन् । घटनापछि सेनाले कर्फ्यू लगाएको बीबीसीले जनाएको छ ।
