जाजरकोटको भेरी नगरपालिका–५ इवरमा पहिरोले पुरिँदा एक बालकको मृत्यु भएको छ । मृत्यु हुनेमा पाँच वर्षीय प्रिन्स विक रहेका छन् । उनका बुबा रमेश घाइते भएका छन् ।
विकका बाबुछोरालाई घरमै रहेको अवस्थामा आज बिहान पहिरोले पुरेको वडा नम्बर ५ का अध्यक्ष लाल बहादुर चन्दले जानकारी दिए । उनका अनुसार प्रिन्सको घटनास्थलमै मृत्यु भएको हो । घाइते रमेशको जिल्ला अस्पतालमा उपचार भइरहेको चन्दले बताएका छन् ।
