धादिङ । गायिका अनु अधिकारीको तेस्रो सांगेतिक कोसेली ‘ज्यान भईसक्यो बैना’ बोलको गीत सार्वजनिक भएको छ ।
पवन कोईरालको शब्द तथा लबोनी प्रमोदको संगीत संयोजन रहेको उक्त गीतमा अनु अधिकारीको स्वर रहेको छ । भिडियोमा चर्चित मोडल बिना राउत र सरोज अमगाईको अभिनय देख्न सकिन्छ । पुरुषोत्तम सुवेदीको ऐरेन्ज रहेको उक्त गीतमा प्रकाश मिश्रले मिक्सिङ गर्नुभएको छ ।
भिडियोलाई करण सुनार र युमी बलामीले खिच्नुभएको हो भने करण सुनारको निर्देशन तथा पवन सुस्लीङले सम्पादन गर्नुभएको हो । एक दशदेखि सांगेतिक क्षेत्रमा सक्रिय गायिका अधिकारीको यस अघि ‘तिम्रो मन त सुनको महल’, ‘आउ है कान्छा’ लगायत गीत दर्शक स्रोत माझ चर्चित छ ।
