मकवानपुरको कैलाश गाउँपालिका वडा नम्वर १० मा रहेको प्रेम सेवा समाजको १४ औँ बार्षिक साधारणसभा सम्पन्न भएको छ । सँस्थाका सचिव राजेन्द्र सिन्तानले सन्चालन गर्नुभएको कार्यक्रममा सँस्थाको आर्थिक तथा प्रगति प्रतिवेदन प्रस्तुत गरिएको थियो । साधारणसभाका प्रमुख अतिथि लोक बहादुर मुक्तानले सामाजिक व्यवहार परिवर्तनमा सँस्थाको महत्वपुर्ण भुमिका रहेको र गाउँपालिका सँग समन्वय र सहकार्यमा कार्यक्रम सन्चालन गर्न सके प्रभावकारी हुने बताउनुभयो ।
प्रेम सेवा समाजका अध्यक्ष मिरा स्याङ्तानको अध्यक्षतामा भएको साधारणसभामा कैलाश गाउँपालिकाका अध्यक्ष लोक बहादुर मुक्तानको प्रमुख आतिथ्याता रहेको थियो । कार्यक्रममा कैलाश गाउपालिका उपाध्यक्ष बालकुमार मल्ल ठकुरीको विशेष आतिथ्यता रहेको थियो भने वडा नम्वर १ का अध्यक्ष तेज बहादुर ब्लोन, वडा नम्वर ७ का अध्यक्ष उदास भ्लोन, ८ का अध्यक्ष आशिष प्रजा, ९ का अध्यक्ष भुवन सिङ घलान, १० का अध्यक्ष सुर्य बहादुर ब्लोन, विभिन्न मन्डलीका अगुवा, पास्टर विभिन्न सङ्घ सस्थाका प्रमुख तथा प्रतिनिधिहरुको आतिथ्यता रहेको थियो ।
