धुनिवेशीको पशुपन्छी विकास शाखाले ११० वटा कुकुरको बन्ध्याकरण गरेको जनाएको छ । हिजो र आज भएको बन्ध्याकरण शिविरमा ११० वटा कुकुरको बन्ध्याकरण गरिएको पशुपन्छी विकास शाखा प्रमुख टंक कटुवालले जानकारी दिए । हिजो पहिलो दिन ५८ र आज अन्तिम दिन ५२ वटा कुकुरको बन्ध्याकरण गरिएको पशुपन्छी विकास शाखा प्रमुख कटुवालको भनाई छ ।
धुनिवेशी नगरपालिका पशुपन्छी विकास शाखाद्वारा सामुदायिक/छाडा कुकुरहरुको संख्या नियन्त्रण गर्ने उद्देश्यले हिजो देखि भाले तथा पोथी सामुदायिक/छाडा कुकुरहरुको बन्ध्याकरण गर्ने कार्यक्रम सुरु गरेका थियो ।
तिन दिन गर्ने भनिएको शिविर आज नै समापन गरिएको छ । अब बाँकी कुकुरहरुलाई आवश्यकताको आधारमा अन्य दिनमा बन्ध्याकरण गरिने पशुपन्छी विकास शाखा प्रमुख कटुवालको भनाई छ ।
