धादिङ । धादिङको गल्छी गाउँपालिका स्थित महेशदोभानमा अम्लेश्वर गुरुकुल संस्कृत वेद विद्याश्रमको गुरुकुल संरक्षण कोष स्थापनाको लागि आयोजित श्रीमद्भागवत सप्ताह ज्ञान महायज्ञमा २५ लाख ४० हजार रकम संकलन भएको छ ।
सोमबार सम्पन्न भएको महायज्ञमा २५ लाख ४० हजार रकम संकलन भएको बालतपस्वी पण्डित उत्तम भट्ट महाराजले जानकारी दिनुभयो ।
अम्लेश्वर गुरुकुल संस्कृत वेद विद्याश्रम र विश्व भागवत धाम कोष, नेपाल उत्तम फाउण्डेशनको आयोजनामा गल्छी वडा नं ६ को महेशदोभानमा गत २३ गते आइतबारदेखि सुरु भएको महायज्ञ आज सोमबार सम्पन्न भएको हो ।
शनिबार अभिषेक, पूर्णाहुती, शान्तिकलश वितरण, दाता सम्मान गरिएको आयोजगले बताएको छ ।सिद्धलेक गाउँपालिकाका वडा नं–६ स्थित परेवाटारमा बन्दै गरेको धामको प्रचार प्रसार गर्ने उद्देश्यले गरिएको जिल्लास्तरीय १३ वटै स्थानीय तहहरुमा आयोजना गरिने जिल्ला व्यापी अनुष्ठान अन्तर्गत पहिलो अनुष्ठान बुङचुङमा र दोस्रो अनुष्ठान महेशदोभानमा भएको हो । अब बाँकी पालिकामा क्रमश हुँदै जाने पण्डित भट्ट महाराजले बताउनुभयो ।
राष्ट्र शान्ती एवं धादिङ जिल्लाका समस्त मानव कल्याण, सनातन धर्मको संरक्षण साथै गल्छी गाउँपालिका भित्र दुर्घटना, भूकम्प लगायत विभिन्न प्राकृतिक प्रकोपबाट ज्यान गुमाउनुभएका समस्त आत्माहरुको शान्ती र पितृउद्धारार्थ कामनाको हेतुले अनुष्ठान आयोजना गरिएको बालतपस्वी पण्डित भट्ट महाराजले बताउनुभयो ।
केही तस्बिरहरु :
