हमासले उत्तरी गाजामा मानिसलाई फर्कन अनुमति दिने भएपछि थप ६ इजरायली बन्धकलाई रिहा गर्ने भएको छ । इजरायलका प्रधानमन्त्री बेन्जामिन नेतान्याहुले हमासले यस हप्ता थप ६ जना इजरायली बन्धकलाई रिहा गर्ने बताएका छन् । उनले उत्तरी गाजाका मानिसलाई सोमबारदेखि आफ्नो घर फर्कन अनुमति दिइने बताएका छन् ।
रिहा गरिने बन्धकमध्ये एक नागरिक अर्बेल येहुद पनि थिए । नागरिक रिहा नभएको भन्दै इजरायलले उत्तरी गाजाका मानिसलाई आफ्नो घर फर्कन अनुमति दिएको छैन । हमासले शनिबार चारजना बन्धकलाई रिहा गरे पनि त्यतिबेला अर्बेल येहुदलाई रिहा गरेको थिएन ।
इजरायलले हमासमाथि युद्धविराम सम्झौताका शर्तहरू उल्लंघन गरेको आरोप लगाएको थियो । सम्झौता अनुसार पहिले इजरायली नागरिकलाई रिहा गर्नुपर्ने थियो । गाजा युद्धविराम सम्झौता कार्यान्वयन भएदेखि हमासले सात बन्धकलाई रिहा गरेको छ । इजरायलले बदलामा दुई सय प्यालेस्टिनी बन्दीलाई रिहा गरेको छ । बीबीसी
