धादिङ । जनकल्याण बचत तथा ऋण सहकारी संस्था लिमिटेडको ३०औं स्थापन दिवसका अवसरमा बृहत खुल्ला रक्तदान कार्यक्रम सम्पन्न भएको छ ।
धादिङको बेनीघाट रोराङ-३ रिचोकटार, मलेखुमा वृहत्त खुल्ला रक्तदान कार्यक्रम सम्पन्न भएको हो । रक्तदान कार्यक्रममा १०५ पाउण्ड रगत संकलन भएको छ। जस्मा २० जना महिला र ८५ जना पुरुष रहेका छन्।
रक्तदान कार्यक्रममा बोल्नु हुँदै सहकारीका अध्यक्ष गिरीराज कंडेलले रक्तदान कार्यक्रमहरुको आयोजना गरि रगत संकलन गरिनुले रगतको अभावमा अकालमै ज्यान गुमाउनु पर्ने परिस्थितिको अन्त्य गर्न ठूलो टेवा पुग्ने धारणा व्यक्त गरेका छन्।
जनकल्याण बचत तथा ऋण सहकारी संस्था लिमिटेडको आयोजना तथा नेपाल रेडक्रस सोसाईटी जिल्ला शाखा धादिङको प्राविधिक सहयोगमा रक्तदान कार्यक्रम सम्पन्न भएको नेपाल रेडक्रस सोसाईटी जिल्ला शाखा धादिङ सभापति दुलभ कुमार तामाङले जानकारी दिनु भयो।
