धादिङको थाक्रेका सामुदायिक विद्यालयमा अध्ययपन गराउनु हुने गणित शिक्षकहरुका लागि क्षमता अभिवृध्दि सम्बन्धी पाँच दिने तालिम सम्पन्न भएको छ । थाक्रे गाउँपालिकाको आयोजना, एकिकृत सामुदायिक विकास अभियान(ICDC)नेपाल र एक्सनएड नेपालको साझेदारीमा थाक्रे गाउँपालिकामा संचालन भइरहेको स्थानिय अधिकार कार्यक्रम अन्र्तगत सामुदायिक विद्यालयमा गणित विषय पढाई रहेका विषय शिक्षकहरुका लागि ५ दिने क्षमता अभिवृद्धि तालिम सम्पन्न भएको छ ।

साउन २६ गते थाक्रे गाउँपालिकाको अध्यक्ष राम कुमार आर्चायको अध्यक्षतामा शुरु भएको तालिम उहाँकै अध्यक्षतामा समापन भएको छ । यस तालिममा गणित विषयको सिकाई उपलब्धिमा सुधार ल्याउने र विषयगत शिक्षकको क्षमता अभिवृद्धि गर्ने उद्देश्यका साथ संचालन गरिएको हो ।

तालिममा २० जना विषयगत गणित शिक्षकहरुको सहभागिता रहेको थियो । तालिममा मुख्यतया गणित विषय पढाउँदा आइपरेका समस्या र समाधान, गणित शिक्षण सिकाई विधि, शिक्षण सामग्री तयारी र प्रयोग, कक्षाकोठा व्यावस्थापन, गणित विषयको पाठ्यक्रम, सिकाई उपलब्धि, सिकाई सक्षमता, नतिजा विश्लेषण, विशिष्टिकरण तालिका, प्रश्न पत्र निर्माण, उत्तर कुञ्जीका तयारी, उत्तरपुस्तिका परिक्षण, विद्यार्थिको प्राकिटिकल÷व्यावहारि÷आन्तरीक÷परियोजना कार्यको मुल्यांकन विधि र अभ्यास आदि विषयबस्तुहरुमा प्रशिक्षण भएको थियो । तालिमकै क्रममा प्रकाश सिंखडाको संयोजकत्व र शिक्षा शाखाको एक जना प्रतिनिधि सदस्य रहने गरी पालिकास्तरिय गणित विषयको सात सदस्यि विषयगत समिति समेत गठन गरिएको छ।

यसै गरी तालिमको सहजिकरण डा.रमेश प्रसाद अवस्थीले गर्नु भएको थियो । तालिममा सहभागिहरुलाई प्रमाण पत्र पनि वितरण गरिएको छ । कार्यक्रममा थाक्रे गाउँपालिकाका अध्यक्ष राम कुमार आचार्य, प्रशिक्षक रमेश प्रसाद अवस्थी, एकिकृत सामुदायिक विकास अभियान नेपालका अध्यक्ष गोपाल लम्सालले आफ्ना महत्वपूर्ण भनाईहरु राख्नु भएको थियो । तालिम न्यू पाथिभरा होटल, धार्केमा सञ्चालन भएको थियो।