नेपाली नारीहरूको महान चाड हरितालिका तीजको अवसरमा तीजको दिन भाद्र १० गते धुनिबेसी–७, नौबिसेस्थित नृवेश्वर मन्दिर प्राङ्गणमा बृहत साँस्कृतिक कार्यक्रम हुने भएको छ ।
राष्ट्रिय लोक साँस्कृतिक संघको आयोजना तथा राष्ट्रिय संगीतकर्मी संघ, जिल्ला कार्यसमिति, धादिङको सह–आयोजनामा हुन लागेको कार्यक्रममा राष्ट्रिय संगीतकर्मी संघ, धुनिबेसीको व्यवस्थापन रहेको छ ।
धुनिबेसी नगरपालिका र वडा नं. ४, ६, ७, र ८ प्रवद्र्धक रहने आयोजकले जनाएको छ । कार्यक्रममा ख्याती प्राप्त कलाकारहरुले दिनभर साँस्कृतिक प्रस्तुती दिने कार्यक्रम रहेको छ ।
यस्तै कार्यक्रममा मेघा अस्पतालबाट निशुल्क वृहत स्वास्थ्य शिविरको पनि आयोजना गरिएको राष्ट्रिय सँगितकर्मी सँघका केन्द्रिय सचिव रुपक परियारले बताउनुभयो ।