लगातार दुई कारोबार दिन बढेको शेयर बजार आज घटेको छ । शेयर बजार परिसूचक नेप्से आज २७ दशमलव ८९ अङ्कले घटेर २ हजार ६ सय ५४ दशमलव ३५ विन्दुमा झरेको छ ।
आज होटल र म्युचल फन्ड बाहेक सबै समूहको शेयर घटेकोमा अन्य समूहको शेयर २ दशमलव १६ प्रतिशतले ओरालो लागेको छ । आज १ सय ९३ वटा कम्पनीको शेयर घटेकोमा ५३ वटाको बढेको छ । यस्तै २ वटा कम्पनीको शेयर घटबढ भएको छैन ।
आज नेप्सेसँगै कारोबार रकम पनि घटेको छ । हिजो ५ अर्ब २९ करोडको कारोबार भएकोमा आज ३ सय १७ वटा कम्पनीका ९४ लाख ८ हजार कित्ता शेयर ४ अर्ब १२ करोड रुपैयाँमा किनबेच भएको छ ।
