शुक्रवार, मंसिर ४ गते २०८३

Friday, Nov 20 2026 शुक्रवार, मंसिर ४ गते २०८३

धादिङको थाक्रेमा मोटरसाईकल दुर्घटना  हुँदा अर्यालको निधन 

धादिङको थाक्रेमा मोटरसाईकल दुर्घटना  हुँदा अर्यालको निधन 

शिवराज आचार्य

१७, कार्तिक २०८२
  • 5.2K
    SHARES
  • धादिङको थाक्रेमा मोटरसाईकल दुर्घटना  हुँदा अर्यालको निधन 

    पृथ्वी राजमार्ग अन्तर्गत धादिङको थाक्रे गाउँपालिका-७ सातकिलामा सोमबार साँझ दुई मोटरसाइकल एक आपसमा ठोक्किँदा एकजनाको मृत्यु भएको छ भने एकजना घाइते भएका छन् ।

    images

    धार्केबाट महादेवबेशी तर्फ जाँदै गरेको बा ७० प १६५१ नम्बरको मोटरसाइकल र गजुरीबाट काठमाडौँतर्फ गइरहेको बा ९७ प २८५२ नम्बरको मोटरसाइकल एकआपसमा ठोक्किँदा दुर्घटना भएको जिल्ला प्रहरी कार्यालय धादिङले जनाएको छ ।

    दुर्घटनापछि नौबिसेबाट गल्छी तर्फ आउँदै गरेको ना ६ ख ३०१३ नम्बरको ट्रकको अगाडिको दाहिने टायरमुनि परेर मोटरसाइकल चालक थाक्रे गाउँपालिका-४ तसर्पू हाल थाक्रे-६  निवासी ६० वर्षीय उत्तम अर्यालको घटनास्थलमै मृत्यु भएको प्रहरीले जनाएको छ।

    प्रहरी उपरीक्षक भेषराज रिजालका अनुसार मोटरसाइकल ठोक्किएपछि लडेर ग्यास सिलिण्डर बोक्ने ट्रकको चपेटामा परेपछि अर्यालको मृत्यु भएको हो ।

    सो दुर्घटनामा गजुरी गाउँपालिका–१ निवासी ३० वर्षीय राजन श्रेष्ठ घाइते भएका छन् । उनलाई उपचारका लागि काठमाडौँ पठाइएको छ ।

    दुर्घटनापछि फरार रहेका ट्रक चालक बेनीघाटरोराङ गाउँपालिका–५ निवासी ३५ वर्षीय धनबहादुर परियार लाई प्रहरीले पक्राउ गरेको जनाएको छ । प्रहरीले घटनाबारे थप अनुसन्धान भइरहेको जनाएको छ ।

    अर्याल तत्कालिन भूमेस्थान, थांक्रे र तसर्पु गाविसको प्रतिनिधित्व गर्दै २०४९ सालमा जिल्ला विकास समिति धादिङको सदस्य हुन।

    नेकपा एमाले धादिङका जिल्ला सल्लाहकार सदस्य अर्याल खानेपानी तथा सरसफाई उपभोक्ता महासंघ धादिङका अध्यक्ष समेत हुन् । अर्यालको निधनले धादिङको राजनैतिक तथा सामाजिक क्षेत्रमा अपूरणिय क्षती पुगेको बताईएको छ । 

    images
    images
    images
    images
    प्रकाशित मिति :कार्तिक १७, २०८२ सोमवार - २२:२३:२० बजे

    शिवराज आचार्य

    पत्रकार तथा सञ्चारकर्मी आचार्य नागरिकपाटीमा आवद्द हुनुहुन्छ ।

    Copyright © All right reserved to Aashish Media Network Pvt. Ltd. Site By: SobizTrend Technology