शिखर इन्स्योरेन्स कम्पनीले आफ्नो २१औं वार्षिकोत्सवको अवसरमा धुनिवेशी-६, धार्के बजारमा रक्तदान कार्यक्रम गरेको छ । सोही अभियान अन्तर्गत कम्पनीको नौविसे शाखाले आज रक्तदान कार्यक्रम आयोजना गरेको हो। धार्के बजारमा भएको रक्तदानमा ३५ पुरुष र ५ महिला गरि ४० जनाले रक्तदान गरेको शिखर इन्स्योरेन्स कम्पनी लिमिटेड नौबिसे शाखाका प्रमुख विवेक भण्डारीले जानकारी जानकारी दिनु भयो।
शिखर इन्स्योरेन्स कम्पनी र नेपाल रेडक्रस सोसाइटी रक्त सञ्चार केन्द्र धादिङको प्राविधिक सहयोगमा भएको रक्तदान कार्यक्रममा व्यवसायी, बैंकर, कम्पनीका कर्मचारी तथा स्थानीयबासीहरुको सहभागितामा ४० युनिट रगत संकलन भएको छ। कम्पनीले वार्षिक उत्सवको अवसरमा देशैभर रक्तदान कार्यक्रम गरेको छ।
