आगामी माघ ९ गतेबाट प्रदर्शनमा आउने फिल्म ‘परिवर्तन’को गीत ‘पाकेको चिउरी’ सार्वजनिक भएको छ । निर्माण टिमले क्रिसमसको अवसर पारेर सार्वजनिक गरेको गीतमा फिल्मका मुख्य कलाकार सुशील श्रेष्ठ र अञ्जना बराइली छमछमी नाचेका छन् ।
गीतको भिडियो रामजी लामिछानेको कोरियोग्राफी छ । शिव ढकालको छायाङ्कन, एसडी योगी र रेश्मा पुनको स्वर रहेको गीतमा संगीत गायक योगी कै छ । गीतको शब्द मौसम अर्यालले लेखेका हुन् ।
विजय केरुङ निर्देशित फिल्म दिब्यासी फिल्म्सको ब्यानरमा निर्माण भएको हो । फिल्ममा अभिनेता सुशील श्रेष्ठ,अभिनेत्री अञ्जना बराइलीका अलवा सरोज खनाल,करिश्मा मानन्धर, बुद्धि तामाङ, हेमन्त बुढाथोकी,सुवास मेचेको मुख्य भूमिका छ ।
एक्सन–सस्पेन्स विधामा निर्माण गरिएको यस फिल्मलाई विजय केरूङले निर्देशन गरेका हुन् । दीपक सिवाकोटीको कथा तथा निर्माण रहेको फिल्मको पटकथा तथा संवाद शिवं अधिकारीले लेखेका हुन् । बन्दे प्रसादको सम्पादन, रामजी लामिछानेको कोरियोग्राफी, एसडी योगीको संगीत रहेको फिल्ममा द्वन्द्व श्री श्रेष्ठको छ । फिल्मलाई आर आर फिल्मस्ले वितरण गर्दैछ ।
