धादिङको धुनिवेशी नगरपालिका वडा नम्बर २ मा राष्ट्रिय स्वतन्त्र पार्टी (रास्वपा) ले वडा समिती गठन गरेको छ । वडाको प्रथम भेला मार्फत समिती गठन गरिएको हो ।
समितीको सभापतीमा राजीव राज भारती, उपसभापतीमा सालिक राम गौतम र सचिवमा सविन भट्टराई चयन भएका छन् । यस्तै सदस्यहरुमा सुरेश पोखरेल,रामचन्द्र अधिकारी,प्रविन भट्टराइ,अशोक लुइटेल,हरि प्रसाद बास्कोटा,जयराम कार्की र सुदर्शन बास्कोटा चयन भएको धुनिवेशी ८ नम्बर सभापति दिनेश रुपाखेतीले जानकारी दिनु भयो।
कार्यक्रममा वडास्तरमा पार्टी सशक्त बनाउने, संगठन विस्तार गर्ने र स्थानीय समस्याहरूलाई प्राथमिकताका साथ समाधान खोज्ने विषयमा छलफल गरिएको छ ।
कार्यक्रममा बागमती प्रदेश सदस्य धुर्व कुमार रेग्मी, जिल्ला सभापति सुर्यमणी पाठक लगायत स्थानिय नेता तथा कार्यकर्ताको उपस्थिती रहेको थियो। कार्यक्रममा विभिन्न पार्टी परित्याक गरेर करिब ९१ जना रास्वपा प्रवेश गरेका छन्।
