बजाज मोटरसाइकलको आधिकारिक विक्रेता स्पीड अटो इन्टरप्राइजेजले धादिङको थाक्रे-०२, महादेवबेसीमा "बजाज साटा-साट" मेला आयोजना गर्ने भएको छ। यही फागुन ११ गतेदेखि सुरु हुने उक्त मेला फागुन १६ गतेसम्म चल्नेछ। नयाँ मोटरसाइकल खरिद गर्न चाहने र पुराना मोटरसाइकल साट्न चाहने ग्राहकहरूलाई लक्षित गरी यो मेला आयोजना गरिएको स्पीड अटो इन्टरप्राइजेजले जनाएको छ ।
यस मेलाका मुख्य आकर्षणका रूपमा ग्राहकहरूले आफ्नो पुरानो मोटरसाइकल एक्सचेन्ज गर्दा बजार मूल्यमा थप ८,००० रुपैयाँसम्म अतिरिक्त मूल्यांकन पाउनेछन्। साथै, नयाँ बजाज मोटरसाइकलको खरिदमा आकर्षक नगद छुटको व्यवस्था गरिएको छ भने प्रत्येक नयाँ खरिद वा साटासाटमा ग्राहकले एक थान हेलमेट निशुल्क प्राप्त गर्नेछन्। आर्थिक सहजताका लागि मेलास्थलमै "अन द स्पट" फाइनान्सको सुविधा उपलब्ध गराइएको छ, जसमा कुनै पनि सेवा शुल्क नलाग्ने कम्पनीले जनाएको छ।
हुलास फिनसर्भ हायर पर्चेज लिमिटेड (HFL) को सहयोगमा सञ्चालित यस मेलाको थप जानकारीका लागि स्पीड अटो इन्टरप्राइजेजको सम्पर्क नम्बरहरू ०१०-५६१९८५, ९८०३५५०५९३, र ९८६९३९७५२३ मा सम्पर्क गर्न सकिने बताईएको छ ।
