धादिङको धुनिवेशी नगरपालिका–७ खानीखोलामा रहेको मच्छिन्द्र माध्यमिक विद्यालयले आफ्नो ५६औँ वार्षिक मनाएको छ। बुधबार वार्षिक उत्सव अन्तर्गत विभिन्न कार्यक्रमको आयोजना गरि विद्यालयले उत्सव मनाएको हो । कार्यक्रममा विभिन्न विधामा उत्कृष्ट प्रदर्शन गर्ने शिक्षक तथा विद्यार्थीहरूलाई सम्मान गरिएको छ । त्यस्तै, कार्यक्रममा विद्यार्थीहरूले सांस्कृतिक तथा विविध प्रस्तुति प्रस्तुत गर्दै उपस्थित दर्शकलाई मनोरञ्जन प्रदान गरेका थिए।
विद्यालय व्यवस्थापन समितिका अध्यक्ष शेखर कार्कीको अध्यक्षतामा भएको कार्यक्रममा धुनिवेशी नगरपालिकाका प्रमुख बालकृष्ण आचार्य प्रमुख अतिथि र उपप्रमुख सुरज उप्रेती विशेष अतिथिका रूपमा रहनु भएको थियो। कार्यक्रममा विभिन्न विद्यालयका प्रधानाध्यापक तथा प्रतिनिधिहरू, संघ–संस्थाका प्रमुख तथा प्रतिनिधि, अभिभावक, विद्यार्थी लगायतको उल्लेख्य उपस्थिति रहेको थियो।
