अष्ट्रेलियाबाट मासिक २ लाख पठाउँछ रे साथीले,
त्यसैगरी कमाएर पठाउने तिम्ले कहिले ?
उमेरले दुई दशक काट्यो रे त नानी,
आफ्नो कमाईले परिवार खुसी राख्ने तिम्ले कहिले ?
IELTS मा 8 अंक ल्याईछे रे फलानोको छोरीले,
University मा गोल्ड मेडल ल्याउने तिम्ले कहिले ?
लाग्यो रे भिसा फलानोको छोरीको/छोरीको,
लोकसेवामा नाम निकाल्ने तिम्ले कहिले ?
अर्को जातको केटि ल्यायो रे फलानोको छोरोले,
अर्कै जात संग गईछे रे फलानोको छोरी त,
जति नै पढेलेखेको भएपनि नानी,
बिहे गर्नु अघि जात हेर्नु है तिम्ले पहिले ।
गर्यो रे घरजम संगै पढेको साथीले,
सुरसार घरजमको गर्ने तिम्ले कहिले ?
यस्तै यस्तै कुराहरु पर्छ रे सुन्न,
हुन्छ भेट आफन्त संग जहिले ।
यस्तै प्रश्नले जमाउछ डेरा मस्तिष्कमा,
उत्तरको खोजीमा भौतारिन्छु जहिले ।
हुन्छु सार्है चिन्तित यी सब कुराहरुले,
थपिन्छ उर्जा मुवाबुवाको मुस्कान देख्छु जहिले ।
भए झैँ सैदान्तिक शिक्षामा उतीर्ण सधैँ,
हुन सकु व्यावहारिक जीवनमा पनि
कमजोरीलाई मात्रै बढुवा नदिऊँ
प्राथमिकता दिऊँ आफ्नो क्षमतालाई पनि ।
एलिशा शाह
मण्डनदेउपुर-१२, काभ्रे
ज्याम्दी, हल्देछाप
