शुक्रवार, मंसिर ४ गते २०८३

Friday, Nov 20 2026 शुक्रवार, मंसिर ४ गते २०८३

धादिङमा पत्रकारिता क्षेत्रका अग्रज सम्मानित, शाहको अर्धकद शालिक अनावरण

धादिङमा पत्रकारिता क्षेत्रका अग्रज सम्मानित, शाहको अर्धकद शालिक अनावरण

शिवराज आचार्य

२१, जेठ २०८३
  • 2.0K
    SHARES
  • धादिङमा पत्रकारिता क्षेत्रका अग्रज सम्मानित, शाहको अर्धकद शालिक अनावरण

    धादिङ। नेपाल पत्रकार महासंघ जिल्ला शाखा धादिङले जिल्लामा पत्रकारिताको सुरुवाती चरणमा योगदान पुर्‍याएका पाँच जना संस्थापक पत्रकारलाई सम्मान गरेको छ । महासंघको २४औँ साधारणसभाको अवसरमा तत्कालीन उपसभापति बासु तिमल्सिना, कोषाध्यक्ष लक्ष्मी कट्टेल तथा सदस्यहरू मोहनकुमार श्रेष्ठ, नबिनबन्धु पहाडी र उत्तम कँडेल सम्मानित भएका हुन् ।

    images

    713623764_1860570135344708_8061882726304899522_n.jpg

    महासंघ धादिङका अध्यक्ष सीताराम अधिकारीले जिल्लामा व्यावसायिक पत्रकारिताको जग बसाल्न तथा श्रमजीवी पत्रकारहरूको हकहितका लागि अग्रजहरूले पुर्‍याएको योगदानको कदरस्वरूप सम्मान गरिएको बताए ।

    कार्यक्रममा नेपाल पत्रकार महासंघका केन्द्रीय उपाध्यक्ष नितु पण्डितले अग्रज पत्रकारहरूको सम्मानले धादिङको पत्रकारिता इतिहासलाई थप समृद्ध बनाएको बताउँदै सरकारले मिडिया मैत्री नीति ल्याउनुपर्ने धारणा व्यक्त गरिन् ।

    यसै अवसरमा महासंघले संस्थापक सचिव तथा पूर्व अध्यक्ष स्वर्गीय पत्रकार राजेन्द्रप्रताप शाहको अर्धकद शालिक अनावरण गरेको छ । धादिङको ज्वालामुखी गाउँपालिका–३ मैदीमा जन्मिएका शाहले गोरखापत्र, कान्तिपुर दैनिक, हिमालय टाइम्स लगायत विभिन्न सञ्चारमाध्यममा काम गरेका थिए । धादिङका पहिलो फोटो पत्रकारका रूपमा चिनिने शाह पछिल्लो समय पिजन खबर डटकमका प्रवन्ध निर्देशक थिए । उनको २०७८ चैत २ गते निधन भएको थियो ।

    710781959_1860570592011329_4440545063938702326_n.jpg
    undefined

    शालिक अनावरण कार्यक्रममा धादिङ क्षेत्र नम्बर–२ का सांसद बोधनारायण श्रेष्ठले स्वर्गीय शाहको पत्रकारिता क्षेत्रमा रहेको योगदानको स्मरण गरेका थिए ।

    यसअघि महासंघका संस्थापक अध्यक्ष स्वर्गीय सीताराम प्रसाद वर्माको शालिक पनि सोही स्थानमा स्थापना गरिएको थियो ।

    images
    images
    images
    images
    प्रकाशित मिति :जेठ २१, २०८३ बिहिवार - ०७:३४:०१ बजे

    शिवराज आचार्य

    पत्रकार तथा सञ्चारकर्मी आचार्य नागरिकपाटीमा आवद्द हुनुहुन्छ ।

    Copyright © All right reserved to Aashish Media Network Pvt. Ltd. Site By: SobizTrend Technology