नेपाली भाषाका आदिकवि भानुभक्त आचार्यको २१३ अैाँ जन्म जयन्तीको अवसरमा अमेरिकाको हवाईमा अनेसास हवाई र स्नेहको संयूक्त आयोजनामा कार्यक्रम सम्पन्न भएको छ ।
उक्त कार्यक्रमको ३ ओटा श्रृङ्खलामा रामायण वाचन, कविता तथा साङ्गितिक प्रस्तुति र प्रसिध्द सञ्चारकर्मी अच्युत घिमिरेसँग बहस कार्यक्रम रहेको थियो।
कार्यक्रममा नेपाली भाषा कक्षाका नानीहरूको विशेष प्रस्तुति रह्यो । रामायण, घाँसी कविता, अन्य गीतहरू र नृत्य पनि प्रस्तुत भयो । दोस्रो चरणमा कवि अमृता स्मृति र वाचक अच्युत घिमिरे बीचमा बहस रह्यो । प्रश्नहरूका लागि फ्लोर पनि ओपन गरिएको थियो ।
बहसमा अच्युत घिमिरेले आफ्नो प्राथमिकतामा अग्रजको सम्मान र नयाँहरूलाई स्थान दिएको बताउनु भयो । "उच्चारण गर्नु र शब्दमा प्राण भर्नु बीचमा प्राविधिक र भावनात्मक भिन्नता के छ ? " भनेर कवि अमृताले सोध्दा घिमिरे भन्नुहुन्छ, "उच्चारण सबैले गर्छन्, प्राण कसै-कसैले मात्र भर्छन् ।" उहाँ अर्को प्रश्नको उत्तरमा थप्नुहुन्छ, भानुभक्तको साहित्य कर्मले उहाँको साहित्यिक सञ्चारकर्ममा मात्र होइन समग्र नेपाली भाषीहरूको जग हो । " उहाँले केही स्रष्टाहरूको सिर्जना वाचन गर्दै आयोजक संस्थालाई धन्यवाद दिनुभयो ।
'स्नेह'का अध्यक्ष दिनेश तिमल्सेनाले उपस्थित सबैलाई स्वागत गर्नुभयो । केदार श्रेष्ठ टेक्निसियन रहनुभएको यस कार्यक्रममा मिठामिठा कविता र गजलहरू प्रस्तुत भए भने गायक बद्री पराजुलीले गायन प्रस्तुत गर्नुभयो । यस भव्य कार्यक्रममा सर्जक, बौध्दिक नारी, अनेसास हवाईकी वरिष्ठ उपाध्यक्ष वेदिका उपाध्यायले कार्यक्रम सञ्चालन गर्नुभएको थियो ।
नेपाली भाषाको अन्तर्राष्ट्रिय करण, नेपाली साहित्यको विस्तार, भाइरल र भ्यूजको जमानामा ओझेलमा परेका उत्कृष्ट साहित्यको विषयमा अनेसासकी अध्यक्ष अमृताले धारणा राख्नुभएको थियो । यसैमा उहाँले नेपालमा हुँदै आएको भानु जयन्ती कार्यक्रमलाई पनि सम्झनुभयो ।
