इरानसँगको युद्धमा अमेरिकाले हालसम्म करिब ३७.५ अर्ब अमेरिकी डलर खर्च गरिसकेको अमेरिकी रक्षामन्त्री पिट हेगसेथले बताएका छन् । यो गत मे महिनामा सार्वजनिक गरिएको पछिल्लो अनुमानभन्दा करिब ८ अर्ब डलर बढी रकम हो ।
डेमोक्रयाट सांसद डिक डर्बिनले इरान युद्धमा हालसम्म कति खर्च भएको छ भन्ने प्रश्न गरेपछि हेगसेथले ३७.५ अर्ब डलर खर्च भएको तथ्यांक सार्वजनिक गरेका हुन् ।
अमेरिका र इरानबीच पुनः द्वन्द्व सुरु भएयता सिनेट विनियोजन समितिसमक्ष पहिलोपटक उपस्थित भएका हेगसेथले सांसदहरूले तत्काल थप बजेट स्वीकृत नगरे सैन्य तालिमहरू कटौती गर्नुपर्ने अवस्था आउने चेतावनी दिएका छन् ।
