गजुरी । गजुरी स्थित दरिँगाल खोलामा डुबेर ज्यान गुमाएकाको परिवारलाई पाँच/पाँच लाख क्षतिपूर्ति दिइने भएको छ । एक्स्काभेटरले खाडल खनेर बनाएको खोलाको ठूलो रहमा डुबेर ज्यान गुमाएका परिवारलाई क्षतिपूर्ति दिने भएपछि आफन्तले शव पनि बुझेका छन् ।
गजुरी –६ नवासी १८ वर्षीय भिमबहादुर स्याङ्तान, २३ वर्षीय सुमन स्याङ्तान गहिरो खाडलमा परेर मृत्यु भएपछि आक्रोशित भिडले तीन एक्स्काभेटरमा आगजनी गर्दै उचित क्षतिपूर्तिको माग गरेका थिए ।
छलफलमा व्यवसायीको तर्फबाट दुवै परिवारलाई पाँच पाँच लाख क्षतिपूर्ति दिने सहमति गरेपछि मृतकका आफन्तले पोष्टमार्टमपछि शव बुझेर लगेको जिल्ला प्रहरी कार्यालयका प्रमुख राजकुमार बैदवारले जानकारी दिए ।
२०७६ साउन २७ गते प्रकाशित
