शिवराज आचार्य महादेवबेशी । सिड्स नेपाल धादिङको २५औँ वार्षिक साधारण सभा तथा नवौँ सामाजिक लेखाजोखा कार्यक्रम सम्पन्न भएको छ । लेखाजोखा कार्यक्रम मार्फत सँस्थाले गत आर्थिक वर्षमा कुल आम्दानी ७२ लाख रहेकोमा ७४ लाख ३४ हजार खर्च भएको जनाएको छ । सिड्स नेपाल धादिङले युनाईटेड मिसन टु नेपाल (युमएन) सँगको तिन वर्षका लागी विभिन्न परियोजनामा काम गदै आएको कार्यक्रममा बताईएको छ । युमएनको साझेदारीमा सन् २०१८ देखि लैगिंक सशक्तिकरण परियोजना, सामुदायिक स्वास्थ्य कार्यक्रम सञ्चालन गदै आएको हो भने सन् २०१९ बाट जोखिममा रहेका बाल सुरक्ष कार्यक्रम, सितलचिनिमा आधारीत कृषि वन परियोजना र संस्थागत विकास सञ्जाल परियोजनामा रहेर काम गदै आएको सँस्थाले जनाएको छ । २०५२ सालमा चन्द्रज्योती युवा क्लबको नाम बाट साविकको गोगनपानी ४ को चकमकेमा स्थापना भएको सिड्स नेपालले स्थापनाकाल देखि नै समाज रुपान्तरणको काममा सहयोग गर्दै आएको सँस्थाका कार्यकारी निर्देशक गोकर्ण रुपाखेतीले बताउनुभयो । उहाँका अनुसार जिल्लाको सबै स्थानिय तहमा काम गदै आएकोमा सँस्थाले विगत एक वर्ष देखी आफ्नो कार्य क्षेत्र प्रदेश ३ भरिका जिल्लामा पनि बनाएको छ । ९४ जना साधारण सदस्य रहेको सँस्थमा दलित ५ जना, जनजाती २७ जना र अन्य ६२ जना रहेका छन् । संस्थाको विभिन्न परियोजना मार्फत लक्षित समुदायका नागरिकको अधिकार प्रत्याभुति गर्न आर्थिक सामाजिक र राजनितिक जिवनस्तरमा सुधार ल्याउने काममा सहयोग पुगेको सँस्थाका पुर्व अध्यक्ष तथा जिल्ला समन्वय समितीका सदस्य उर्मिला रेग्मीले बताउनुभयो । संस्थाको लक्षित वर्ग महिला, बालबालिका, अपांगता, सिमान्तकृत, जनजाती, दलित, पछाडी पारिएका र जोखिममा परेका समुदाय, किसान, मजदुर, आप्रवासी र तिनका परिवार रहेको सँस्थाका निर्वमान अध्यक्ष मेघ बहादुर तामाङले बताउनुभयो । कार्यक्रममा जिल्ला समन्वय समितीका सदस्य उर्मिला रेग्मी, थाक्रे गाउँपालिका वडा नम्बर २ का वडा अध्यक्ष राजकुमार पौडेल, ६ नम्बर वडा अध्यक्ष रामशरण कार्की, ७ का वडा अध्यक्ष राम कुमार बस्नेत, ११ नम्बरका वडा अध्यक्ष रवि प्रकाश ओझा, सिड्स नेपाल धादिङका अध्यक्ष, सदस्यहरु, कर्मचारी, लगायत समुहमा आबद्ध भएका व्यक्तिहरुको सहभागिता रहेको थियो । कार्यक्रमको धार्केमा रहेको रेडियो राजमार्ग ९२.१ मेगाहर्जले प्रत्यक्ष प्रसारण गरेको थियो । २०७६ भदौ २८ मा प्रकाशित