धार्के । धादिङको धुनिबेशी नगरपालिका वडा नम्बर ९ मा रहेको एक ईँटा उद्योगले महेशखोलामा कालो लेदो पदार्थ बगाएको स्थानियले बताएका छन् । लेदो पदार्थका कारण खोलाको पानी नै कालो बगेको थियो ।
यस अघि पनि औषधी कम्पनीले सेतो पदार्थ खोलामा बगाउँदा खोलाको पानी सेतो बगेको थियो । यस्तो किसिमका रासायनिक पदार्थ पानीमा मिसाएर बगाउँदा कृषकले लगाएको बाली नै समस्यामा पर्ने कृषी विज्ञहरुले बताउँदै आएका छन् ।
शुक्रबार कालो जस्तो पदार्थ खोलामा बगाएको सुचना आफुहरुलाई पनि आएको बताउँदै ईलाका प्रहरी कार्यालय खानिखोलाका प्रमुख रुक बहादुर खड्काले यस बारेमा शनिबार छलफल गरिने बताउनुभयो ।
२०७६ असोज ०३ गते प्रकाशित
