शिवराज आचार्य
धार्के । गल्छि गाउँपालिकाको आयोजनामा एक दिने निःशुल्क स्वास्थ्य शिविर सम्पन्न भएको छ । गल्छि गाउँपालिका वडा नम्बर ६ बैरेनीमा रहेको बैरेनी स्वास्थ्य चौकीमा शनिबार एक दिने आँखा, नाक, कान, घाँटी रोग सम्बन्धि स्वास्थ्य शिविर सञ्चालन गरिएको गाउँपालिका अध्यक्ष कृष्णहरि श्रेष्ठले बताउनुभयो ।
गाउँपालिका भित्र रहेका नागरिकको स्वास्थ्यलाई ध्यान दिई एक दिने निःशुल्क स्वास्थ्य शिविर आयोजना गरिएको गाउँपालिकाले जनाएको छ । स्वास्थ्य शिविर मार्फत ४ सय २९ जनाले आँखाको जाँच गराएका छन् भने २ सय ५१ जना भन्दा बढि स्थानिय नागरिकले नाक, कान, घाँटीको सेवा लिएका हुन् ।
स्वास्थ्य शिविरमा दि«ष्टी आई केयर सेन्टर कलंकीका डा भाईराजा श्रेष्ठ, आँखा रोग विशेषज्ञ, हिरालाल दाहाल, रक्षा पण्डित, विनिता शर्माको टोलिले स्वास्थ्य सेवा लिन आएका आँखाका विरामीहरुको उपचार गराएका थिए । त्यसैगरी टिचिङ अस्पताल काठमाण्डौंका नाक, कान घाँटीले विशेषज्ञ डा.विजय खरेल सहितको टोलीले चेकजाँच गराएका थिए ।
स्वास्थ्य शिविरमा सेवा लिन आएका विरामीहरुलाई औषधी र चस्मा गाउँपालिकाले निःशुल्क उपलब्ध गराएको अध्यक्ष कृष्णहरि श्रेष्ठले बताउनुभयो ।
गल्छि गाउँपालिका अध्यक्ष श्रेष्ठले स्वास्थ्य शिविरको उद्घाटन गर्नु भएको कार्यक्रममा ६ बाहिनी अड्डा बैरेनीका सहायक रथी सहित गाउँपालिको उपाध्यक्ष राधा तिम्लसिना, प्रमुख प्रशासकिय अधिकृत दान बहादुर ऐडी, बैरेनी स्वास्थ्य चौकीका प्रमुख राम प्रसाद ज्ञावाली वडा नम्बर ६ का वडा अध्यक्ष राजन श्रेष्ठ लगायतको सहभागीता रहेको प्रमुख प्रशासकिय अधिकृत ऐडीले बताउनु भयो ।
२०७६ असोज ११ गते प्रकाशित
