धादिङ । धादिङको रुबिभ्यालि गाउँपालिकामा अष्ट्रियाका एक पर्यटक मृत फेला परेका छ्न । वडा नम्बर १ को सोम्दाङ भन्ने स्थानमा टेन्टमै सुतेको अबस्थामा अष्ट्रियाका ७० वर्षीय व्लिहिम व्हिन्डर शनिबार मृत फेला परेको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक (डीएसपी) रुपक खड्काले जानकारी दिनुभयो । अत्याधिक चिसो बढेकाले ट्रेकिङका लागि आएका पर्यटकको बास बसेकै स्थानमा ज्यान गएको प्रहरीले जानकारी दिएको छ । रुबीभ्यालीको सेर्तुङ प्रहरी चौकीबाट घटना भएको स्थान १० घण्टाको पैदल दुरीमा पर्छ भने शब लिनको लागि हेलिकप्टर त्यसतर्फ पठाईएको जिल्ला प्रहरी कार्यलय धादिङले जनाएको छ।
२०७६ कार्तिक ०३ गते प्रकाशित
