काठमाडौं । नेपालको कालापानी क्षेत्रमा पर्ने लिम्पियाधुरा, लिपुलेकका विषयमा पछिल्ला दिनमा देखिएका सीमा विवादबारे परामर्श गर्न आज सर्वपक्षीय बैठक बस्दैछ ।
प्रधानमन्त्रीका प्रेस सल्लाहकार डा।कुन्दन अर्यालले कालापानीका विषयमा परामर्श गर्न प्रधानमन्त्री केपी शर्मा ओलीले बालुवाटारमा आज अपराह्न ४ बजेका लागि सर्वपक्षीय बैठक बोलाएको जानकारी दिए ।
उनले सीमा विवादका विषयमा सरकारले आफ्नो धारणा स्पष्ट पारिसकेको र सीमा समस्याको विषयमा कसरी अगाडि बढ्ने भन्ने विषयमा दलहरुसँग छलफल हुने बताए ।
उनले प्रमुख प्रतिपक्षी पार्टी नेपाली काँग्रेसका सभापति शेरबहादुर देउवालगायत पूर्व परराष्ट्रमन्त्रीहरूसमेत बैठकमा आउने जानकारी दिएका छन् ।
२०७६ कार्तिक २३ गते प्रकाशित
