धादिङ । नेपाल चेपाङ सँघले गजुरी घटनाको दोषीलाई कानुनी कारवाही र मृतकको परिवारलाई क्षतिपुर्तिको माग गर्दै ध्यानाकर्षण गराएको छ ।
गजुरी ३ सानो भन्ज्याङ निवासी मधु चेपाङको छोरी निशा चेपाङको गत बैशाख २४ गते काउसे सिरान कुलोबाट गुडाएको ढुँगाले लाग्दा मृत्यु भएको र अझै सम्म दोषीलाई उन्मुक्ती दिईएको भन्दै जिल्ला प्रशासन कार्यालय धादिङ र गजुरी गाउँपालिकालाई ध्यानाकर्षण गराएको हो ।
ध्यानाकर्षण पत्र बुझाउँदै नेपाल चेपाङ सँघका केन्द्रिय अध्यक्ष जितेन्द्र चेपाङले यस घटनाको उचित छानविन नगरी दोषीलाई उन्मुक्ती र मृत परिवारलाई क्षतिपुर्ति नदिलाए चेपाङ सँघ कानुनी उपचारको लागी सँघर्षमा उत्रने चेतावनी दिनुभएको छ ।
