काठमाडौं । नायक भुवन केसीले १० करोड रुपैयाँ क्षतिपूर्तिको माग दाबी गर्दै नायिका साम्राज्ञी आरएल शाहविरुद्ध जिल्ला अदालतमा मुद्दा दायर गरेका छन् । जिल्ला अदालत काठमाडौंका सूचना अधिकारी ज्ञानबहादुर कार्कीले शुक्रबार क्षतिपूर्ति माग दाबीसहित मुद्दा दायर गरेको जानकारी दिए ।
साम्राज्ञीले चलचित्र ड्रिम्सको सुटिङ सेटमा आफू अपमानित हुनुपरेको भुवनमाथि आरोप लगाएकी थिइन् । भुवनले आफूमाथि नायिका साम्राज्ञीले बेइज्जती गरेको रिटमा जिकिर गरेका छन् ।
यसअघि नायक भुवनले चलचित्र कलाकार संघमा पनि साम्राज्ञीले लगाएको आरोपबारे सत्यतथ्य छानबिनको माग गर्दै उजुरी दिएका थिए । त्यसपछि भुवन र साम्राज्ञीबीच विवाद उत्कर्षमा छ ।
