सिन्धुपाल्चोक । सिन्धुपाल्चोकको मेलम्चीमा बेपत्ता भएका ८ जनाको शव फेला परेको छ । आइतबार राति वर्षासँगै आएको पहिरोमा परी बेपत्ता भएका ८ जनाको शव निकालिएको हो । मेलम्ची बजारको छेउमा कर्भड हल बनाउन आएकाहरू वीरगन्ज र भारतका मजदुरहरू पहिरोमा परेका थिए । पहिरोबारे थाहा पाएपछि भेला भएका स्थानीय र प्रहरीले एक जनाको भने जिवितै उद्धार गरेका थिए । अन्य पुरिएका ८ जनाको शब निकालिएको छ । यस्तै सिन्धुपाल्चोक पाँचथानकाल–२ मा पहिरोले एउटा घर पुर्दा २ जना वृद्धवृद्धाको मृत्यु भएको छ । जिल्ला प्रहरी कार्यलय सिन्धुपाल्चोकका अनुसार गए रातिको पहिरोमा परि उक्त घर पुरिएको थियो ।
