काठमाडौं। जनरल इन्स्योरेन्स कम्पनी र आईएमई ग्रुपद्वारा प्रवद्र्घित आईएमई–पे बीच सम्झौता भएको छ । सम्झौता अनुसार आईएमई–पेका सेवाग्राहीहरूले जनरल इन्स्योरेन्स कम्पनीको प्रिमियम पुनः भुक्तानीका लागि आईएमई–पेका करीब २५ हजार एजेन्ट पार्टनरबाट सेवा लिन सक्ने भएका छन् ।
‘आईएमई–पे’ आईएमई ग्रुप अन्तर्गतको डिजिटल वित्तीय सेवाप्रदायक उत्पादन हो । राष्ट्र बैंकबाट दूरसञ्चार सञ्जालको माध्यमबाट मोबाइल वालेट सेवा प्रदान गर्ने अनुमति प्राप्त गरेको छ । आईएमई डिजिटल देशकै पहिलो भुक्तानी सेवाप्रदायक कम्पनी भएको दाबी कम्पनीको छ ।
