थाक्रे । थाक्रे गाउँपालिकाद्धारा आयोजित नवौं राष्ट्रपति रनिङ शिल्ड प्रतियोगिताको जनजागृति माध्यमिक विद्यालय महादेववेशीले उचालेको छ । चैत्र ५ गते देखी ७ गते सम्म थाक्रे गाउँपालिकाको खेल मैदान थाक्रे १० मा भएको रनिङ शिल्ड प्रतियोगितामा १२ स्वर्ण सहित जनजागृति माध्यमिक विद्यालय प्रथम, ७ स्वर्ण सहित कालिका माध्यमिक विद्यालय द्धितिय र ३ स्वर्ण सहित महाकाली माध्यमिक विद्यालय तसर्पुले तृतिय स्थान हाँसिल गरेको छ ।
प्रतियोगितामा जनजागृति माध्यमिक विद्यालयकी अनु भुषाल एक्लैले ३ एकल विधा र एक रिलेमा समेत गरी ४ स्वर्ण जित्न सफल भईन ।
प्रतियोगितामा विजयी खेलाडी तथा विद्यालयलाई आज एक कार्यक्रम विच माननीय सांसद भूमि त्रिपाठी तथा गाउँपालिका अध्यक्ष रामकुमार आचार्यले शिल्ड, मेडल तथा प्रमाणपत्र वितरण गर्नुभएको थियो ।
धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।
