काठमाण्डौँ । जीवन विकास लघुवित्तले नयाँ रेकर्ड कायम गर्ने भएको छ । निष्काशन सुरु भएको तीन दिनमा नै लघुवित्तको शेयरमा १८ लाख ४० हजार ३७ वटा आवेदन परेको छ । मंगलबार शेयर निष्काशन बन्द हुने लघुवित्तको शेयरमा अझै लाखौंको संख्यामा आवेदन पर्ने अनुमान छ ।
आइतबार साँझसम्ममा १५ लाख बढीले आवेदन गरेकोमा सोमबार मात्र झण्डै साढे ३ लाख आवेदक थपिएका हुन् । सोमबार साँझ ५ बजेसम्मको तथ्यांक अनुसार आवेदकले लघुवित्तको २ करोड ७८ लाख २६ हजार ३५० कित्ता शेयर माग गरेका छन् ।
लघुवित्तले गत शुक्रबारदेखि प्रतिकित्ता १०० अंकित मूल्यको दरमा १९ लाख ७७ हजार ३०० कित्ता साधारण शेयर निष्काशन गरिरहेको छ । लघुवित्तको शेयर असार १५ गतेसम्म निष्काशन हुनेछ । मेरो शेयरका साथै आस्वा सदस्य बैंक वित्तीय संस्थाबाट लघुवित्तको शेयरमा आवेदन दिन सकिन्छ ।
