काठमाडौं । डिम्याट खाता सञ्चालकका लागि चाँडै नै नयाँ सफ्टवेयर आउने भएको छ । सीडीएस एण्ड क्लियरिङ लिमिटेडका अनुसार यो सफ्टवेयर प्रयोगमा आएसँगै शेयर लगानीकर्ताहरू केवाईसी दर्ता गर्न विभिन्न बैंक तथा संस्थासम्म धाउनु नपर्ने र लगानीकर्ताको विवरण केन्द्रीकरण गर्न पनि सजिलो हुनेछ ।
सफ्टवेयर डेभलप गर्न ११ कम्पनीले आवेदन दिएकामा प्रोफेसनल कम्प्युटर सिस्टम, वाईसीओ प्रालि र रेडियन्ट इन्फोटेक नेपाल गरी तीन कम्पनी शर्टलिस्टमा परेका छन् । यी कम्पनीहरूको प्रस्ताव मूल्यांकन भइरहेको सीडीएससीले जनाएको छ ।
शर्ट लिस्टमा परेका तीन कम्पनीमध्ये एकलाई छनोट गरी सफ्टवेयर विकासको जिम्मा दिने र कम्तिमा ६ महिनाभित्र सफ्टवेयर लागू गर्ने योजना रहेको सीडीएससीका सीईओ पूर्णप्रसाद आचार्यले बताए ।
