काठमाण्डौं । सरकारले अफगानिस्तानमा रहेका नेपालीलाई शिघ्र उद्धार गर्ने निर्णय गरेको छ। सोमबाार बसेको मन्त्रीपरिषदको बैठकले अफगानिस्तानमा भएको घटनाप्रति गम्भिर चासो देखाउँदै त्यहाँ रहेका नेपालीलाई शीघ्र उद्धार गर्ने निर्णय गरेको सरकार प्रवक्ता ज्ञानेन्द्र कार्कीले बताए ।
उनले भने, ‘अफगानिस्तानमा विकसित घटनाप्रति सरकारको गम्भिर चासो लिँदै त्यहाँ रहेका नेपाली नागरिकहरुलाई सकुशल शीघ्र उद्धार गर्ने । त्यसका लागि नेपाल सरकारका सम्बन्धित निकायलाई समन्वयात्मक रुपमा कार्य अघि बढाउन निर्देशन दिने।’
प्रधानमन्त्री निवास बालुवाटारमा बसेको बैठकले उद्धारका लागि नेपाल सरकारका सम्बन्धित निकायहरुलाई तत्काल कार्य अगाडि बढाउन निर्देशन दिएको छ ।
