काठमाण्डौं । अफगानिस्तानबाट थप ७२ नेपाली आज बिहान स्वदेश आइपुगेका छन् । उनीहरू आज बिहान ९ बजेर १५ मिनेटमा कतार एयरवेजको जहाजमार्फत त्रिभुवन अन्तर्राष्ट्रिय विमानस्थल आइपुगेका हुन् ।
अफगानिस्तानबाट लण्डन पुर्याइएका उनीहरूलाई त्यहाँबाट दोहा हुँदै कतार एयरवेजको जहाजबाट आज बिहान काठमाडौँ ल्याइएको नेपाल नागरिक उड्डयन प्राधिकरणका प्रवक्ता राजकुमार क्षेत्रीले जानकारी दिनुभयो ।
यसअघि मंगलवार दुई लटमा नेपालीहरु काठमाडौं आइपुगेका थिए। जजिरा एअरवेजबाट हिजो पहिले ११८ जना र दोस्रो लटमा ८७ जना नेपाली आइपुगेका हुन्।
