निर्वाचन आयोगले आगामी वैशाख ३० गते हुन लागेको स्थानीय तह निर्वाचनका लागि ४६ जिल्लाका मतपत्र छापिसकेको बताएको छ।
आज (सोमबार) पत्रकार सम्मेलनमार्फत आयोगका प्रवक्ता शालिग्राम शर्मा पौडेलले ४६ जिल्लाका लागि ९५ लाख थान मतपत्र छपाइ सकिएको बताए ।
निर्वाचन आचारसंहिता उलंघन गर्ने राजनीतिक दल र नेताहरुसँग त्यसबारे जवाफ पनि माग गरिएको बताइएको छ । निर्वाचन मिति नजिकिदै जाँदा विभिन्न राजनीतिक दल र नेताहरुले निर्वाचन आचारसंहिता उलंघन गरेको भन्ने गुनासो आएपछि आयोगले त्यसबारे जवाफ माग गरिएको बताइएको छ ।
आयोगले १ करोड ९४ लाख मतपत्रमध्ये अहिलेसम्म ४६ जिल्लाका ९५ लाख २५ हजार थान मतपत्र छपाइ सकेको छ ।
