सत्ता गठबन्धनले ६ महानगरपालिका र ११ उपहानगरपालिकाको भागवण्डा मिलाएको छ। पाँच दलीय गठबन्धनले चार दिन लामो छलफलपछि १७ स्थानको भागवण्डा मिलाएर सहमति पत्रमा हस्ताक्षर गरेका छन्। सहमतिअनुसार कांग्रेसको भागमा ३ महानगर र ७ वटा उपमहानगरपालिका परेको छ।
कांग्रेसको भागमा धरान, इटहरी, कलैया, बुटवल, तुलसीपुर, नेपालगञ्ज र धनगढीको प्रमुख कांग्रेसले पाउने भएको छ। माओवादी केन्द्रले बाराको जीतपुर सिमरा र दाङको घोराही उपमहानगरपालिकाको नेतृत्व पाएको छ। एकीकृत समाजवादीले हेटौंडा र जनता समाजवादी पार्टीले जनकपुर उपमहानगरपालिकाको पाएका छन्।
कांग्रेसले काठमाडौँ, ललितपुर र विराटनगर पाउनेछ भने माओवादीले भरतपुर, समाजवादीले पोखरा र जसपाले वीरगञ्ज महानगरपालिकाको नेतृत्व पाएको छ। एउटाको नेतृत्व भएको ठाउँमा अर्को दललको उपप्रमुख हुने गरी भागवण्डा मिलाइएको छ।
