धादिङ। धादिङमा भोलि शनिबार विद्युत सेवा अवरुद्ध हुने नेपाल विद्युत प्राधिकरण धादिङ वितरण केन्द्रले जनाएको छ । शुक्रबार प्राधिकरणको धादिङ शाखाले एक सूचना जारी गर्दै मातातिर्थ–नौबिसे ३३ के.भी प्रशारण लाइन अन्तर्गत नागढुंगा सुरुङमार्गमा लाईन मर्मत सम्भार गर्नुपर्ने भएकाले विद्युत सेवा अवरुद्ध हुने जनाएको छ।
उक्त समयमा धुनिबेशी नगरपालिका र थाक्रे गाउँपालिकाको विभिन्न स्थानहरुमा शनिबार विहान ८ बजेदेखि बेलुका ५ बजेसम्म विद्युत सेवा अवरुद्ध हुने सूचनामा भनिएको छ।
