नेकपा एमाले थाक्रेको विवाद समाधान भएको छ । जिल्ला सचिवालय सदस्य समेत रहेका गोकर्ण रुपाखेतीले गाउँपालिका अध्यक्षको पदमा स्वतन्त्र उम्मेदवारी दिएपछि विवाद सतहमा आएको थियो । एमाले अध्यक्ष केपी शर्मा ओली निवास पुगेर स्वतन्त्र उम्मेदवारबाट ब्याक भई एमालेका आधिकारीक उम्मेदवार रामकुमार आचार्यलाई सघाउन सहमत भए सँगै विवाद समाधान भएको हो ।
अध्यक्ष ओली कमरेडले गल्ती समिक्षा गरौंला, अहिले विवाद नगरौं, एमालेले हार्न हुन्न । जित्ने पक्का रहेको पालिकामा विवाद हुँदा विपक्षीहरु ताली बजाई रहेका छन् । मिलेर जानुहोस् भनेपछि आफूले सघाउने निस्कर्षमा पुगेको रुपाखेतीको भनाई छ ।
नेकपा एमाले थाक्रेमा उत्पन्न आन्तरिक समस्या समाधान गर्न ओलीले जिल्ला अध्यक्ष भुमि त्रिपाठी र पार्टी जिल्ला संस्थापक नेता जगन्नाथ नेपाल, कृष्ण पन्त, गोकण रुपाखेती र रामकुमार आचार्य लगायतका नेताहरुलाई सोमबार निजि निवास बोलाएका थिए ।
