सानिमा बैंकको १८ औं बार्षिक उत्सवको अवसरमा आज मंगलबार रक्तदान कार्यक्रम भएको छ । धुनिबेशी नगरपालीका वडा नं. ७ को सिमबजारमा रहेको सानिमा बैंकको शाखा कार्यालय नौबिसेमा रक्तदान कार्यक्रम भएको हो ।
रक्तदान कार्यक्रममा ६८ जनाले रक्तदान गरेको लायन्स क्लब अफ पिस खानिखोलाका सचिव प्रमोद गिरीले जानकारी दिए । उक्त रक्तदान कार्यक्रममा हिमाल रक्तसञ्चार केन्द्र, धादिङ जेसीज, लायन्स तथा लियो क्लब अफ पिस खानिखोलाको सहयोग रहेको थियो । कार्यक्रममा बिभिन्न बैंक तथा संस्थाका प्रतिनिधिहरु, स्थानीय ब्यापारीहरु, स्थानीय युवाहरुको बाक्लो उपस्थिति रहेको थियो ।
