हाइवे बचत तथा ऋण सहकारी संस्था लिमिटेडको आयोजनामा आज मंगलबार रक्तदान कार्यक्रम भएको छ ।
हाइवे बचत तथा ऋण सहकारी संस्थाले सरस्वती सेवा केन्द्रको स्थापना दिवसको अवसरमा आयोजना गरिएको रक्तदान कार्यक्रममा ६९ जना पुरुष र २० जना महिला गरी ८९ जनाले रक्तदान गरेको हाइवे बचत तथा ऋण सहकारी संस्था लिमिटेडका व्यवस्थापक रिसि राम नेपालले बताए।
रक्तदान कार्यक्रममा नेपाल रेडक्रस सोसाईटी रक्त सञ्चार सेवा केन्द्रको धादिङको प्राविधिक सहयोग र सहयोगको रुपमा धादिङ जेसीसको रहेको थियो। धादिङमा अभियानकै रुपमा रक्तदान कार्यक्रम आयोजना गरिदै आएको छ । जिल्लामा रगतको अभावलाई न्युनीकरण गने उद्देश्यले रक्तदान कार्यक्रमको आयोजना गरिएको संस्थाका अध्यक्ष शिव बहादुर भण्डारीले बताए ।
कार्यक्रममा धादिङ रेडक्रसका सभापति दुर्लब कुमार तामाङ,संस्थाका अध्यक्ष शिव बहादुर भण्डारी,सदस्यहरु,कर्मचारी स्थानिय नागरिक लगायतकोे सहभागीता रहेको थियो ।
