धादिङ । धादिङको बैरेनी अस्पतालमा सबै किसिमका बिरामीलाई २४ घण्टा इमर्जेन्सी सेवा सुचारु भएको छ ।
गल्छी गाउँपालिकाको वडा नं ६ मा रहेको अस्पतालले चैत्र १ गते बुधबारबाट सुत्केरी तथा गर्भवतीहरुलाई मत्रै दिईदै आएको सेवालाई विस्तार गरी अन्य बिरामीहरुलाई समेत २४ सै घण्टाको इमर्जेन्सी सेवाको सुरुवात गरेको स्वास्थ्य शाखा प्रमुख राम प्रसाद ज्ञावालीले बताएका छन्।
हिजो बुधबार अस्पताल व्यवस्थापन समितिको बैठकले यस किसिमको सेवा सुचारु गरेको अस्पताल व्यवस्थापन समितिका अध्यक्ष तथा गाउँपालिका अध्यक्ष केदारनाथ खतिवडाले बताएका छन् । अहिले १५ सैयाको अस्पताल निर्माणको अन्तिम चरणमा पुगेको छ ।
